Մարզական միջնորդ դատարանը «Բարսելոնայի» հարձակվող Լուիս Սուարեսի վրայից հանել է ֆուտբոլի հետ կապված գործունեության արգելքը: Այսպիսով, օգոստոսի 18-ին ֆուտբոլիստը կարող է մասնակցել ընկերական հանդիպմանը մեքսիկական «Լեոնի» հետ: Կատալոնյան ակումբը կարող է նաեւ անցկացնել ուրուգվայցու շնորհանդեսը, որին ձեռք բերեց այս ամառ՝ 75 մլն ֆունտով:
Հիշեցնենք՝ Սուարեսը պատժվել էր ԱԱ-2014-ին Իտալիայի հետ խմբային փուլի խաղի ժամանակ Ջորջո Կյելինիի ուսը կծելու համար: Մինչեւ հոկտեմբերի 25-ը նրան արգելված է մասնակցել պաշտոնական հանդիպումներին: Հարձակվողը բաց կթողնի նաեւ Ուրուգվայի հավաքականի հաջորդ 8 հանդիպումները:
| 
