ArmBarca.com

Պեդրոն կարող է բաց թողնել «Բարսելոնայի» առաջիկա 2 հանդիպումները

Մեսսի2014 — Thu, 16 Oct 2014 11:18:34 GMT

Կատալոնական «Բարսելոնայի» հարձակվող Պեդրոն, ով բաց է թողել թիմի վերջին երկու մարզումները, ամենայն հավանականությամբ, բաց կթողնի «Էյբարի» և «Այաքսի» դեմ հանդիպումները, տեղեկացնում է Barcastuff-ը:

«Կապտանռնագույնների» մարզչական շտաբը պատրաստ է ֆուտբոլիստին հանգիստ տրամադրել:

Խերարդ Պիկեի արկածներն իսպանական ոստիկանների հետ (Ֆոտո)

Մեսսի2014 — Thu, 16 Oct 2014 10:37:22 GMT

Կատալոնական «Բարսելոնայի» կենտրոնական պաշտպան Խերարդ Պիկեն եղբոր հետ տուգանվել է հանրային տրանսպորտի հատվածում երթևեկելու համար, հաղորդում է Marca-ն:

Ոստիկանները կանգնեցրել են մեքենան, որի ղեկին էր ֆուտբոլիստի եղբայրը:

Պիկեն բարկացել է ոստիկանների վրա և հայտարարել. «Դուք նախանձում եք, քանի որ ես հայտնի՞ եմ: Ձեր աշխատանքն ազդում է ինձ վրա»:

Բացի այդ, իսպանացին նաեւ ճղել է տուգանքի թուղթը՝ սպառնալով ոստիկաններին, որ կզանգահարի նրանց ղեկավարությանը:

Մեսսիի հայր. «Այս կյանքում ամեն ինչ փոփոխական է»

Մեսսի2014 — Thu, 16 Oct 2014 10:30:54 GMT

Կատալոնական «Բարսելոնայի» և Արգենտինայի ազգային հավաքականի հարձակվող Լիոնել Մեսսիի հայր Խորխե Մեսսին վստահ չէ, որ իր որդին կավարտի պրոֆեսիոնալ կարիերան «կապտանռնագույնների» կազմում, տեղեկացնում է AS-ը:

- Որդիս կապված է «Բարսելոնայի» հետ , սակայն կյանքում ամեն ինչ կարող է տեղի ունենալ: Փոփոխությունները կյանքի մի մասն են կազմում:

Երբեք չգիտեմ, թե ինչպես կզարգանան իրադարձությունները:

Նա սիրում է Ռոսարիո քաղաքը և «Նյուելս Օլդ Բոյս» թիմը: Դեռ վաղ է այդ մասին խոսել,- հայտարարել է Մեսսիի հայրը:

Լուիս Սուարես. «Շնորհակալ եմ բոլորից»

Մեսսի2014 — Thu, 16 Oct 2014 10:28:59 GMT

Կատալոնական Բարսելոնայի նորեկ, Ուրուգվայի ազգային հավաքականի հարձակվող Լուիս Սուարեսը, ով 31 գոլի հեղինակ է դարձել անցած մրցաշրջանում, ստացել է Ոսկե խաղակոշիկը, տեղեկացնում է ակումբի պաշտոնական կայքը:

- Ցանկանում եմ շնորհակալություն հայտնել իմ կյանքում ամենակարևոր մարդկանց` կնոջս և երեխաներիս, նաև շնորհակալ եմ Լիվերպուլին և խաղընկերներին:

Հիմա իմ կարիերայի կարևոր փուլերից մեկն է: Ես գտնվում եմ Բարսելոնայում և պետք է երազանքս իրականացնեմ,- հայտարարել է Սուարեսը:

Նշենք, որ «Ոսկե խաղակոշիկը» շնորհվում է մրցաշրջանի արդյունքներով եվրոպական առաջնությունների լավագույն ռմբարկուին: Այս անգամ պարգևատրման արարողությունը անցկացվեց Antigua Fabrica Damm-ում, որը Բարսելոնա քաղաքում է:

Ադրիանո. «Կարծում եմ, որ Դանին կմնա «Բարսելոնայում»»

Մեսսի2014 — Thu, 16 Oct 2014 10:26:52 GMT

Կատալոնական Բարսելոնայի եզրային պաշտպան Ադրիանոն ցանկանում է, որ թիմը երկարաձգի իր հայրենակցի` Դանի Ալվեսի պայմանագրի ժամկետը:

- Կարծում եմ, որ Ալվեսը հիանալի կերպով հաղթահարում է իր առջև դրած խնդիրները: Պարզ երևում է, որ նա ցանկանում է մնալ Բարսելոնայում:

Հուսով եմ, որ թիմը կերկարաձգի իր պայմանագրի ժամկետը,- գրել է Ադրիանոն թվիթերյան իր միկրոբլոգում:

Դանի Ալվեսը նոր պայմանագիր կկնքի

News — Thu, 09 Oct 2014 16:22:09 GMT

«Բարսելոնայի» պաշտպան Դանիել Ալվեսը կերկարաձգի պայմանագիրը կատալոնական ակումբի հետ մինչև 2016 կամ 2017 թվականը, հաղորդում է Sport.es-ը: Առաջիկա երկու-երեք շաբաթների ընթացքում կապտանռնագույնները պաշտոնապես կհայտարարեն նոր պայմանագրի կնքման մասին:

Հիշեցնենք, որ բրազիլացին «Բարսելոնա» է տեղափոխվել «Սեվիլիայից» 2008 թվականին:

Սանդրո Ռոսել. «Բարսելոնան» 300 հազար եվրո է ծախսել Նեյմարի ընկերների համար նախատեսված ինքնաթիռի համար

News — Thu, 09 Oct 2014 15:50:51 GMT

Նեյմարի դեպի «Բարսելոնա» ուղևորության ընթացքում ֆուտբոլիստի հետ մեկ այլ ինքնաթիռով Բարսելոնա են մեկնել նաև նրա ընկերները: Ըստ Սանդրո Ռոսելի կատալոնական ակումբը ֆուտբոլիստի ընկերների համար 300 հազար եվրո արժողությամբ ինքնաթիռ է վարձել, հաղորդում է Marca-ն:

Ռոսելը նաև հասկացնել է տվել, որ նա չի կարծում, որ դա ավելորդ ծախս էր, մանավանդ այն դեպքում «Երբ դուք պայմանագիր եք ստորագրում նման կարգի ֆուտբոլիստի հետ»:

Ռեկորդներ սահմանելով՝ «Ռայո Վալյեկանո» - «Բարսելոնա»՝ 0-2

Սպարտակ_Պետրոսյան — Sat, 04 Oct 2014 17:49:18 GMT

Կատալոնական «Բարսելոնան» Իսպանիայի առաջնության յոթերորդ տուրի շրջանակներում հյուրընկալվել էր «Ռայո Վալյեկանոյին»: Կապտանռնագույններին հաջողվեց առանց մեծ ճիգեր գործադրելու առավելության հասնել մրցակցի նկատմամբ: Թիմի խաղն առանձնապես տպավորիչ չէր, բայց կարևորն այս պահին երեք միավորն է: Խաղի ընթացքում ակտիվ էր Ժերեմի Մատյոն, ով տեղափոխվել էր պաշտպանության ձախ եզր:Կարելի է վստահ ասել, որ մեր ձեռքբերումներից ամենաարդարացնողը հենց ֆրանսիացին է, ով ամեն տեղ ու ամեն կերպ օգնում է թիմին: Կիսապաշտպանությունում նույնպես ամեն ինչ ստաբիլ վիճակում էր, իսկ պաշտպանության կենտրոնը հուսալի էր: ՆեյՄեսսի զույգն իր գործն արեց առաջին խաղակեսի վերջում և հանգստի անցավ: Բրավոն էլ իր գեղեցիկ սեյվերով աչքի ընկավ:

«Բարսելոնայի» դարպասապահ Կլաուդիո Բրավոն շրջանցեց Արտոլայի ռեկորդը՝ Լա լիգայի խաղերում դարպասն անառիկ պահելով արդեն 630 րոպե:

«Բարսան» շրջանցեց Մադրիդի «Ռեալի» ռեկորդը, որը 1987-ին մեկնարկային խաղերում հեղինակել էր 18 գոլ և բաց չթողել ոչ մեկը: Կատալոնացիներն արդեն մեկ գոլ ավել են խփել:

Բրավո - Մատյո, Պիկե, Բարտրա, Ալվես - Բուսկետս, Չավի, Ինյեստա - Նեյմար, Մեսսի, Մունիր կազմով խաղադաշտ դուրս եկած Լուչոյի թիմի առաջին գոլն այս խաղում հեղինակեց Մեսսին, իսկ երկրորդը մեկ րոպե անց՝ 36-րդ րոպեին խփեց Նեյմարը:

Անցնենք գնահատականներին.

Կլաուդիո Բրավո - Դարպասապահն արդեն ավելի քան 630 րոպե գոլ չի ընդունել: Այսօր մի քանի դրվագում հիանալի ու հուսալի խաղ ցուցադրեց ու անառիկ պահեց իր դարպասը: Բրավոն ստանում է 8,5 միավոր:

Դանի Ալվես - Խենթ բրազիլացին դեռեւս չի վերգտնում իր խաղը: Այս խաղում նա այնքան էլ ակտիվ չէր և լուրջ գործողությամբ աչքի չընկավ: Ալվես՝ 7:

Բարտրա եւ Պիկե պաշտպանական զույգը, որն այս խաղում ցանկապատել էր դաշտի կենտրոնը, գերազանց հանդես եկավ: Արդեն իսկ պարզ երեւում է, որ Պիկեն վերադարձրել է իր մարզավիճակը: Պիկեն ստանում է 9, իսկ Բարտրան՝ 8 միավոր:

Ժերեմի Մատյո - Ֆրանսիացին, ում մենք 10 օրից կարող ենք տեսնել Հայաստանում, գերազանց է դրսեւորում իրեն: Նրան ուղղված ոչ մի քննադատություն լսել չեք կարող: Մատյո՝ 9:

Բուսկետս, Չավի, Ինյեստա կիսապաշպտանական եռյակը վատ չխաղաց: Իհարկե, Չավիի ներկայությունը խաղադաշտում անզեն աչքով էլ երեւում էր, իսկ Ինյեստան դեռ լավագույն մարզավիճակում չէ: Տրիոն ստանում է 7,5 գնահատականը:

Մունիր - Անկեղծ ասած՝ որոշել եմ նրա խաղը չմեկնաբանել: Մունիր՝ 6.5:

ՆեյՄեսսի զույգն իր «սև գործն» արեց: Ճիշտ է, այսօր Մեսսին շատ վրիպեց, բայց ամեն ինչ նորմալ է ընթանում: Դուետը ստանում է 8 միավոր:

Խաղադաշտում հայտնվեցին նաեւ Պեդրոն, Ռակիտիչն ու Սանդրոն, սակայն մեծ փոփոխություններ չկատարեցին:

Այսպիսով, «Բարսելոնան» շարունակում է վստահ շարժվել առաջ: 7 խաղից հետո վաստակած 19 միավորով, խփած 19, բաց չթողած եւ ոչ մի գնդակով կապտանռնագույնները միանձնյա գլխավորում են Լա լիգայի մրցաշարային աղյուսակը: Առաջիկա մրցակիցը Էյբարն է, որի հետ կխաղանք երկու շաբաթ անց, իսկ «Էլ-Կլասիկոն» սարերի ետեւում չէ:

Սպարտակ Պետրոսյան, ArmBarca.com

Փարիզյան գլուխկոտրուկը լուծում չստացավ. ՊՍԺ 3-2 «Բարսելոնա»

Սպարտակ_Պետրոսյան — Tue, 30 Sep 2014 19:53:21 GMT

Կատալոնական «Բարսելոնան» հյուրընկալվել էր ՊՍԺ-ին: Ֆրանսիական ակումբը կապտանռնագույնների երկրորդ մրցակիցներ Չեմպիոնների լիգայի 2014/15 մրցաշրջանում: Հանդիպման հաշիվը բացվեց արդեն 10-րդ րոպեին՝ Դավիդ Լուիզի գոլի շնորհիվ: Երկու րոպե անց կատալոնացիները նվաստացուցիչ գրոհ կազմակերպեցին, որն էլ ավարտին հասցրեց Լեո Մեսսին՝ 1-1: Անցավ եւս 14 րոպե եւ Մարկո Վերատին օգտվեց Շտեգենի և Ռակիտիչի սխալից ու առաջ մղեց իր թիմին: 52-րդ և 54-րդ րոպեներին Մատյուիդին ու Նեյմարը մեկական գոլով փոխանակվեցին՝ 3-2: Ընդհանուր առմամբ թիմի ֆուտբոլը պաշտպանությունում կարելի է բնութագրել մեկ բառով՝ խայտառակություն: Նույնիսկ վերլուծելու ոչինչ չկա, նույնիսկ գնահատելու ոչինչ չկա: Այնուամենայնիվ.

Մարկ-Անդրե Տեր Շտեգեն - Գերմանացի երիտասարդն այսօր, մեղմ ասած, չգոհացրեց: Ամեն դեպքում, չպետք է քննադատել և ողջ մեղքը բարդել նրա ուսերին, կամ ձեռքերին: Մարկ՝ 5.5:

Ալբա, Ալվես - նրանց խաղը կարելի է բնութագրել ընդամենը երեք տառով, իսկ արդյունքը 5 միավորն է:

Մատյո, Մասկերանո - Համեմատաբար, պաշտպանության կենտրոնը ավելի հաջող գործեց, սակայն երեք գոլերի մեջ իրենց մեղքն ունեին բոլորը: Նրանք ստանում են 6 միավոր:

Բուսկետս, Ռակիտիչ, Ինյեստա - Կիսապաշտպանները չարդարացրին: Նրանց խաղը նույնպես այնքան էլ տպավորիչ չէր: Եռյակը ստանում է 6,5 միավոր:

Մեսսի, Նեյմար - Ահա, թե որն էր մեր թիմի միակ լուսավոր կետը: Այս դուետը կրկին հաջող է գործում և գոլեր հեղինակում: Զույգը ստանում է 8 միավոր:

Մունիր , Պեդրո - Ֆուտբոլիստները ոչինչ չարեցին: Աշխատանքում ցածր էր օգտակար գործողության գործակիցը: Հետևում է 5 միավորը:

Այո՛, մենք պարտվեցինք, պարտվեցինք մի մրցակցի, որի կազմում բացակայում էին Իբրահիմովիչը, Տիագո Սիլվան, Լավեսին: Պարտվեցինք մի խաղում, որտեղ գտել էինք պաշտպանություն ճեղքելու հրաշալի տարբերակ՝ մրցակցին էլ նույնը հակառակ կողմից առաջարկելով, պարտվեցինք եզրերում խայտառակ լինելով, պարտվեցինք նաեւ մարզչի թերանալու պատճառով: Ցանկացախ պարտության մեջ մեղավոր են բոլորը՝ նույնիսկ երկրպագուները: Իսկ Երկիր կոչվող մոլորակի վրա չեք գտնի թիմ, որը դուրս կգա խաղադաշտ երեք օրը մեկ պարբերությամբ, կխաղա այդպես 4-5 խաղ ու անընդհատ կհաղթի, այն էլ ՊՍԺ-ի կարգի թիմին: Ինչեւէ, մենք ընդունում ենք մեր պարտությունը, ու պատրաստվում ենք ռեւանշի հասնել «Նոու Կամպում», իսկ մինչ այդ մենք կզբաղեցնենք մեր խմբի երկրորդ հորիզոնականը՝ մեզնից մեկ միավորով առաջ թողնելով մեզ հաղթած փարիզցիներին:

Հաղթենք, թե ոչ, մենք մնում ենք իսկական երկրպագու: Այնպես որ ավելացնելու միայն մեկ բան կա. Visca Barca y Visca Catalunya !!!

Սպարտակ Պետրոսյան, ArmBarca.com

«Բարսելոնայի» պաշտպանությունը Ժերեմի Մաթյոյի տեղափոխությունից հետո (Ծաղրանկար)

Սպարտակ_Պետրոսյան — Sun, 28 Sep 2014 19:20:02 GMT

ArmBarca.com