Կատալոնական «Բարսելոնայի» իսպանացի հարձակվող Պեդրո Ռոդրիգեսը Nike-ի պրոմո ակցիայի ժամանակ հայտարարել է, որ «Բարսան» ցանկանում է մրցակցություն ստեղծել և հաղթել բոլոր մրցաշարերում:
«Ակումբն ուժեղ է, թիմը` միասնական: Մարզումները գնալով ավելի հետաքրքիր և հաճելի են դառնում: Անկումներ լինում են, սակայն չեմ կարծում, որ այդ ամենն ինչ-որ կերպ կարողանում է ազդել թիմի մթնոլորտի վրա:
Մոտակա մեկ շաբաթը մենք անցկացնելու ենք ծանր հանդիպումներ: Պետք է պատրաստվենք և հասցնենք հանդես գալ ամբողջական կազմով:
«Միլանը» գերակումբ է: Նա հանդես է գալիս Չեմպիոնների լիգայում և կարողանում է խոչընդոտներ ստեղծել հակառակորդ մրցակցի համար:
Մենք ապացուցել ենք, որ թիմի յուրաքանչյուր ֆուտբոլիստ հանդես է գալիս իր մաքսիմալ ուժերով: Աշխատելու ենք հաղթել բոլոր մրցաշարերում»,-եզրափակել է Պեդրոն: Աղբյուրը` FCBarcelona.com
