Շոտլանդական «Սելթիկի» և կատալոնական «Բարսելոնայի» շվեդ նախկին ֆուտբոլիստ Հենրիկ Լարսոնը El Pais-ին տված հարցազրույցի ժամանակ խոսել է «Բարսայի» լավագույն ֆուտբոլիստների մասին:
«Երբ ես հանդես էի գալիս «Բարսելոնայի» կազմում, Լեոնելը պատանի ֆուտբոլիստ էր: Նույնիսկ փոքր տարիքում նա գերազանցում էր բոլորին: Նա հիանալի տեխնիկա ունի:
Այնուամենայնիվ, ես կարծում եմ, որ թիմի ոգին Չավին է: Նա չի սխալվում փոխանցումների ժամանակ: Նա հանդես է գալիս այնպիսի դիրքում, որտեղից դժվար է գոլեր հեղինակել: Նա է այժմյա «Բարսելոնայի» հաղթանակի գրավականը:
