Արգենտինայի ազգային հավաքականի հարձակվող Լիոնել Մեսսին, ով ճանաչվել էր Արգենտինա - Շվեյցարիա հանդիպման լավագույն ֆուտբոլիստը, կիսվել է իր տպավորություններով:
- Կարծում եմ, որ խաղը ստացվեց: Պահեր ունեցանք, պարզապես շվեյցարացիները շատ լավ էին պաշտպանվում:
- Վերջում թվում էր, որ բոլորը համաձայն էին հետխաղյա 11 մետրանոց հարվածաշարին:
- Ոչ, այդ իսկ պատճառով կարողացանք գործը չհասցնել այդ հարվածաշարին: Երկրորդ խաղակեսն էր և ես մտածեցի. համաձայն եմ ամեն ինչի, միայն ոչ այդ հարվածաշարը: Դա խաղարկության պես մի բան է և չես կարող ասել, թե ինչ կլինի:
- Արգենտինան Բրազիլիայում չեմպիոնական խաղ ցուցադրո՞ւմ է:
- Ինձ համար այս հարցը շատ բարդ էր: Ամեն դեպքում, մենք ամեն ինչ անում ենք և փորձում ենք հարձակվել: Դուք նույնպես տեսնում եք, որ այս մրցաշարում հանդիպումների մեծ մասը ավելացված ժամանակ է ունենում: Մենք հաղթեցինք, իսկ դա ամենակարևորն է «Մունդիալներում»: Հուսով եմ` այսպես կլինի նաև հաջորդ խաղում:
| 
