Ավարտվեց Իսպանիայի առաջնությունը: Մրցաշրջանի սկզբնամասում չեմպիոնության հավակնորդ թիմերը զբաղեցրեցին առաջնության աղյուսակի երկրորդ և երրորդ հորիզոնականները:
Զարմանալի չէ, բայց չեմպիոն դարձավ Մադրիդի «Ատլետիկոն»: Արժանի էին ...
Մրցաշրջանի վերջնամասում արգենտինացի մասնագետ Խերարդո Մարտինոյի սաները կորցնում էին չեմպիոն դառնալու հնարավորությունները: Չարժե խոսել իտալացի մասնագետ Կառլո Անչելոտտիի թիմից, քանի որ խնդիրը մեր թիմի մեջ է:
Ընթացիկ մրցաշրջանի 38-րդ տուրում Խերարդո Մարտինոն կարող էր իր գործունեությունն ավարտեր մաժորային հնչողությամբ, սակայն մաժորային հնչողությունը, որը պետք է ուրախացներ «կապտանռնագույններին», դարձավ մինորային և տխուր ...
Ալեքսիս Սանչեսը, ում անունը շոշափվում է որպես թիմի հեռացող ֆուտբոլիստ, կարողացավ ռմբակոծել Մադրիդի «Ատլետիկոյի» դարպասը, սակայն դա քիչ էր հաղթանակի համար: Վնասվածք ստացած ֆուտբոլիստներ Դիեգո Կոստայի և Արդա Թուրանի բացակայությունը նույնպես չօգնեց Խերարդո Մարտինոյի սաներին:
Այսպիսի խաղով չեմպիոն դառնալ չի կարելի: Ինչևիցէ, ամեն ինչ առջևում է ...
«Բարսելոնա» - «Ատլետիկո Մադրիդ» 1-1
Գոլերը` Ալեքսիս Սանչես 34' (1-0), Դիեգո Գոդին 49' (1-1)
| 
