Նեյմար. «Հաճելի է վերադառնալուն պես գոլ հեղինակել»
Կատալոնական «Բարսելոնայի» բրազիլացի հարձակվող Նեյմարը մեկնաբանել է Իսպանիայի առաջնության 24-րդ տուրի «Բարսելոնա» - «Ռայո Վալեկանո» հանդիպումը, հաղորդում է Goal.com-ը:
«Անչափ ուրախ եմ, որ կարողացել եմ շուտ ապաքինվել և խաղադաշտ դուրս գալ: Հաճելի է վերադառնալուն պես գոլ հեղինակել: Այս ամիսն ինձ համար երկար թվաց: Այսօր իմ թիմի խաղը կգնահատեմ 9` 10 բալային համակարգով: Մենք լավ խաղ անցկացրինք, բայց հուսով եմ, որ ապագայում կկարողանանք էլ ավելի լավ ֆուտբոլ ցուցադրել»,- ասել է Նեյմարը:
