Մասկերանոն չի մասնակցի թիմի առաջիկա հանդիպումներին
Ինչպես հայտնի է, «Բարսելոնայի» պաշտպան Խավիեր Մասկերանոն վնասվածք էր
ստացել Իսպանիայի առաջնության` «Ռեալ Սոսյեդադի» հետ երեկ տեղի ունեցած
հանդիպման ընթացքում: Այսօր հայտնի են դարձել արգենտինացու վերականգնման
ժամկետները:
29-ամյա ֆուտբոլիստի մոտ աջ ոտքի ազդրի վնասվածք է ախտորոշվել, ինչը նրան խաղադաշտից դուրս կթողնի 10-15 օրով, հաղորդում է AS-ը:
Այդպիսով,
Մասկերանոն կատալոնական թիմին չի կարողանա օգնել Լա Լիգայի`«Ալմերիայի»
(սեպտեմբերի 28) ու «Վալյադոլիդի» (հոկտեմբերի 5) հետ հանդիպումներում,
ինչպես նաև չի մասնակցի Չեմպիոնների լիգայի խաղարկության` «Սելթիկի» հետ
մրցավեճին (հոկտեմբերի 1):
