Էլ-Շաարավի. «Աշխարհի լավագույն ֆուտբոլիստը Նեյմարն է»
Իտալական «Միլանի» հարձակվող Ստեֆան Էլ-Շաարավին Goal.com-ին տված հարցազրույցի ժամանակ նշել է, որ իր համար աշխարհի լավագույն ֆուտբոլիստը բրազիլացի երիտասարդ հարձակվող Նեյմարն է, ով այժմ հանդես է գալիս կատալոնական «Բարսելոնայում»:
«Կարծում եմ, որ այս պահի դրությամբ Նեյմարն աշխարհի լավագույն ֆուտբոլիստն է: Ես հասցրել եմ նրա հետ խաղալ այս տարվա մարտին: Նա պարզապես ֆանտաստիկ էր գործում գնդակով:
Ես ունեմ մի քանի կուռք: Մեծ հաճույքով դիտում էի Կակայի և Դել Պիերոյի հանդիպումները: Երկրպագել եմ նաև Տոտիին: Մեծացել եմ և կարողանում եմ խաղալ նրա դեմ»,-ասել է Էլ-Շաարավին:
