| Արգենտինայի հավաքականի և «Բարսելոնայի» կիսապաշտպան Խավիեր Մասկերանոն չի բացառել, որ կարող է փոխել իր ակումբային գրանցումը, եթե «Բարսելոնան» հոգնի իրենից: «Քիչ բան կարող է փոփոխվել: Ֆուտբոլում պետք է ամեն ինչի պատրաստ լինես: Զանգեր եղել են, սակայն պաշտոնական առաջարկություն չի եղել:
Տարբերակ միշտ էլ կա: Դու «Բարսելոնայում» ես և պետք է պայքարես հիմնական կազմում տեղ գտնելու համար: Հարց է, դու կկարողանաս տեղափոխվելով մեկ այլ թիմ, ընդգրկվել այդ թիմի հիմնական կազմում:
Եթե «Բարսելոնան» ասի, որ չի ցանկանում օգտվել իմ ծառայություններից, ես անմիջապես նույն րոպեին կհեռանամ ակումբից»,-ասել է Մասկերանոն:
Ավելացնենք, որ արգենտինացի կիսապաշտպանը «Բարսելոնա» է տեղափոխվել 2010թ.-ին անգլիական «Լիվերպուլից»՝ 24 մլն եվրոյի դիմաց: Անցած մրցաշրջանում Մասկերանոն Լա լիգայում մասնակցել է 25 հանդիպման:
|
