Գլխավոր էջ » 2013»Հուլիս»1 » Իսպանիայի հաղթարշավն ընդհատվեց. Բրազիլիան Կոնֆեդերացիաների գավաթի հաղթող (Տեսանյութ)
12:11
Իսպանիայի հաղթարշավն ընդհատվեց. Բրազիլիան Կոնֆեդերացիաների գավաթի հաղթող (Տեսանյութ)
Այս գիշեր Բրազիլիայի ազգային հավաքականը աշխարհահռչակ «Մարականա» մարզադաշտում 3:0 ջաղջախիչ հաշվով հաղթեց աշխարհի և Եվրոպայի գործող չեմպիոն Իսպանիայի ընտրանուն և նվաճեց Կոնֆեդերացիայի գավաթը:
Հանդիպման 2-րդ րոպեին Ֆրեդը անկյունայինի խաղարկումից հետո պառկած դիրքից գրավեց Իկեր Կասիլյասի դարպասը: Շոկային մեկնարկ էր: 43-րդ րոպեին Պեդրոն կարող էր հավասարեցնել հաշիվը, սակայն Բրազիլացի պաշտպան Դավիդ Լուիսը անհավանական սահանկումով հեռացրեց դարպասն ընթացող գնդակը:
Մեկ րոպե անց Նեյմարը` «Բարսելոնայի» նորեկը մոտ տարածությունից հուժկու հարվածով գնդակն ուղարկեց Կասիլյասի պաշտպանած դարպասի մոտակա անկյունը:
Ընդմիջումից հետո բրազիլացիները, չբավարարվելով ձեռք բերածով, կրկին նետվեցին գրոհների և 47-րդ րոպեին Ֆրեդը, դառնալով դուբլի հեղինակ, հաշիվը դարձրեց խոշոր՝ 3:0:
Նեյմարն արժանացել է Կոնֆեդերացիաների գավաթի լավագույն ֆուտբոլիստի մրցանակին: Նրան հաջորդում է Իսպանացի Անդրես Ինիեստան: 3-րդ տեղում է գտնվում Բրազիլացի Պաուլինյոն:
Նեյմարն արժանացել է նաև բրոնզե խաղակոշիկ մրցանակին, քանի որ Բրազիլիայի հավաքականի հետ Կոնֆեդերացիաների գավաթի խաղարկությունում անցկացրած 5 հանդիպումներում 4 գոլ է հեղինակել: 5-ական գոլ են խփել Բրազիլացի Ֆրեդը և Իսպանացի Տորրեսը:
Հանդիպումից հետո Նեյմարն ասել է ,- Թիմն այսօր հիանալի գործեց: Այս օրն անչափ երջանկացրեց մեզ: Երազում էինք այս մրցաշարում հաղթելու մասին: Պարզվում է, որ ոչ մի անհավանական բան էլ չկա Իսպանիային հաղթելու մեջ: Հեռացումներ`
