Լեոնել Մեսսին աշխարհի լավագույն ֆուտբոլիստն է: Հրաշամանուկ արգենտինացին արագության հետ մեկտեղ ունի նաև շատ այլ առավելություններ:
Լիոնել Անդրես Մեսսին ծնվել է 1987 թվականի հունիսի 24-ին Արգենտինական
Ռոսարիո քաղաքում: Նա Բարսելոնայի առաջատարն է, աշխարհի լավագույն
ֆուտբոլիստը, կրում է համար 10 մարզաշապիկը Բարսեոլնայում և Արգենտինայի
ազգային հավաքականում:
Մեսսին իր ֆուտբոլային կարիերան սկսել է հինգ տարեկանում իր քաղաքի
Grandoli մանկական թիմում, որը մարզում էր իր հայրը` Խորխե Մեսսին: 1995
թվից Մեսսին սկսեց խաղալ Նյուելզ Օլդ Բոյզ թիմում, որը հանդես էր գալիս
Ռոսարիո քաղաքում:
10 տարեկանում նրա մոտ բժիշկները աճի հորմոնի
դեֆիցիտ հայտնաբերեցին: Այդ ժամանակ Լեոյով հետաքրքրված էր Ռիվեր Փլեյթ
ակումբը, բայց ակումբը հրաժարվեց նրանից` հրաժարվելով նաև բուժման համար
վճարել:
Մեսսին իր հոր հետ մեկնեց Բարսելոնա, որտեղ կատալոնական
ակումբը նրա հետ պայմանագիր կնքեց` իր վրա վերցնելով ֆուտբոլիստի բուժման
համար նախատեսված բոլոր ծախսերը:
Մեսսին սկսեց հանդես գալ Բարսելոնայի պատանեկան թիմում: Բարսելոնայի հիմնական կազմում իր դեբյուտը
Մեսսին նշեց 2003 թվականի նոյեմբերի 17-ին Պորտուի դեմ ընկերական խաղում:
Այդ ժամանակ նույնիսկ El Mundo թերթը գրեց, որ «Այս տղան օժտված է
Մարադոնայի ձախ ոտքով, Կրոյֆի արագությամբ և Ռոնալդինյոյի փոխանցումներով»:
Իսկ պաշտոնական խաղում Մեսսիի դեբյուտը Բարսելոնայի կազմում կայացավ
2004-ի հոկտեմբերի 16-ին Էսպանյոլի դեմ խաղում: Այդ խաղում Բարսելոնան
հաղթեց 1-0 հաշվով:
Բարսելոնայի կազմում իր առաջին գոլը
արգենտինացին խփեց 2005 թվի մայիսի 1-ին Ալբասետեի դարպասը` դառնալով
կատալոնական ակումբի պատմության ընթացքում ամենաերիտասարդ ֆուտբոլիստը, ով
գոլի հեղինակ է դարձել Իսպանիայի առաջնությունում:
