Գլխավոր էջ » 2013»Մարտ»21 » «Բարսելոնան», «Չելսին» և «Մանչեսթեր Սիթին» ցանկանում են գնել Հենրիխ Մխիթարյանին
15:57
«Բարսելոնան», «Չելսին» և «Մանչեսթեր Սիթին» ցանկանում են գնել Հենրիխ Մխիթարյանին
Հայաստանի հավաքականի ֆուտբոլիստ Հենրիխ Մխիթարյանի ծառայություններով հետաքրքրված են անգլիական «Չելսի» և «Մանչեսթեր Սիթի» ակումբները, գրում է The Mirror-ը:
Բրիտանան թերթը գրում է, որ երեկ ուսանողների հետ հանդիպման ժամանակ, որտեղ Մխիթարյանը նշեց, որ արդեն առաջիկա ամռանն ամեն ինչ կանի ակումբից հեռանալու համար, արագանքել են բրիտանական այս երկու ակումբները: Մխիթարյանին ուշադրությամբ հետևում է «Սթեմֆորդ Բրիջն» ու Ռոբերտո Մանչինին:
Մի այլ լրատվական կայքից էլ հայտնի դարձավ, որ Կատալոնական ակումբի ամառային տրանսֆերային պատուհանի 2 գլխավոր նպատակներն են բրազիլական «Սանթոսի» հարձակվող Նեյմարն ու դոնեցկյան «հրաշքը»` Հենոն։ Աղբյուրի ունեցած տեղեկությունների համաձայն՝ «Բարսելոնան» պատրաստ է 25 մլն եվրո առաջարկել Մխիթարյանի տեղափոխության դիմաց։
Նշվում է, որ Նեյմարն ու Մխիթարյանը աշխարհի ուժեղագույն ակումբներից մեկի կազմում կփոխարինեն Դավիդ Վիլյային ու Ալեքսիս Սանչեսին։
