Իսպանիայի առաջնությունում կկայանա 21-րդ
տուրը: Նախորդ տուրում առաջատարը` կատալոնական «Բարսելոնան» առաջին
պարտությունը կրեց ընթացիկ մրցաշրջանում, սակայն իր ամենասկզբունքային
հակառակորդ Մադրիդի «Ռեալին» դեռևս գերազանցում է 15 միավորով:
Կատալոնացիները սեփական մարզադաշտում առաջիկայում ընդունելու են «Օսասունային»: Մադրիդի «Ռեալը» փորձելու է «Խետաֆեի» դեմ պայքարի արդյունքում վաստակած 40 միավորներին ավելացնել ևս 3-ը:
Լա լիգայի ռմբարկուների ցուցակի առաջատարը, ի տարբերություն մյուս առաջնությունների ռմբարկուների, ֆանտաստիկ ցուցանիշներ է գրանցում: Մեսին 29 գոլ է խփել 20 խաղերում: Քրիշտիանու Ռոնալդուն ու Ռադամել Ֆալկաոն աչքի են ընկել 18-ական անգամ:
