Ինչպես հաղորդում է AS-ը, կատալոնական «Բարսելոնայի» արգենտինացի հարձակվող Լեոնել Մեսսին իր թիմակիցների հետ մեկնել է Սևիլյա, որտեղ թիմն այսօր կհյուրընկալվի «Բետիսին»:
Նշենք, որ հրաշամանուկը վնասվածք էր ստացել Չեմպիոնների լիգայի վերջերս կայացած «Բենֆիկայի» հետ հանդիպման ժամանակ, սակայն հետագայում պարզվեց, որ այն լուրջ չէ:
Երկօրյա ֆիզիոթերապևտիկ կուրսեր անցնելուց հետո բժիշկները որոշել են, որ Մեսսին պատրաստ է առաջիկա հանդիպմանը:
Հիշեցնենք, որ այսօր Մեսսին կարող է շրջանցել գերմանացի լեգենդար հարձակվող Գերդ Մյուլլերին:
Աղբյուրը` AS.com
|
