Վիլյան վնասվածքի պատճառով բաց կթողնի «Լևանտեի» հետ հանդիպումը
Ինչպես հաղորդում է թիմի պաշտոնական կայքը, կատալոնական «Բարսելոնայի» հարձակվող Դավիդ Վիլյան կոճի վնասվածքի պատճառով բաց կթողնի Իսպանիայի առաջնության 13-րդ տուրի «Լևանտեի» հետ հանդիպումը:
«Բարսելոնայի» գլխավոր մարզիչ Տիտո Վիլանովան նշել է, որ Վիլյան խնդիրներ է ունեցել դեռևս Մոսկովյան «Սպարտակի» հետ խաղից առաջ: Չնայած նրան, որ վնասվածն այնքան էլ լուրջ չէ, մարզչական շտաբը չի ցանկանում ռիսկի դիմել և օգտագործել Վիլյայի ուժերը:
Նշենք, որ վնասվածքից վերականգնվել են պաշտպան Ադրիանոն և կիսապաշտպան Տիագո Ալկանտարան:
