Մեսսի. «Քվեարկել եմ Չավիի, Ինիեստայի և Ագուերոյի օգտին»
Կատալոնական «Բարսելոնայի» հարձակվողը լրագրողների հետ զրույցում ասել է, թե ում է քվեարկել Ոսկե գնդակի մրցանակի համար:
Հիշեցնենք, որ մեսսին լինելով Արգենտինայի հավաքականի ավագը, ունի ձայնի իրավունք:
«Ես արդեն քվեարկել եմ: Կարող եմ նույնիսկ ասել թե ում օգտին: Քվեարկել եմ Չավիի, Ինիեստայի և Ագուերոյի օգտին»:
«Ես երբեք չեմ քվեարկի ինքս ինձ: Ես շատ ուրախ կլինեմ, եթե Ոսկե գնդակին արժանանան Չավին կամ Ինիեստան: Առանց նրանց ես երբեք չէի կարող տիրանալ Ոսկե խաղակոշիկին»:
«Ես չեմ փորձում մրցակցել Ռոնալդուի հետ: Ուղղակի խաղում եմ այնպես, որպեսզի կարողանամ օգնել «Բարսելոնային» և Արգենտինայի հավաքականին»,- եզրափակել է իր խոսքը Մեսսին:
