Մոսկվայի «Սպարտակի» գլխավոր մարզիչ Ունաի Էմերին ասել է, որ կարող են հաղթել Չեմպիոնների լիգայի հաջորդ տուրում կայանալիք «Սպարտակ Մ.» - «Բարսելոնա» հանդիպումը, եթե խաղան նույն կերպ, ինչպես դա արեցին «Կամպ Նոույում»:
«Մենք չպետք է նայենք եղանակին: Մենք շատ լավ հանդիպում անցկացրեցինք «Կամպ Նոույում», բայց Մեսսին իր փայլուն խաղով հաղթանակ պարգևեց «Բարսելոնային»: Հիմա մենք պետք է խաղանք այնպես, ինչպես դա արեցինք մրցակցի հարկի տակ: Պետք է լավ խաղալ պաշտպանությունում այնպես, ինչպես դա անում ենք հարձակման գծում: Եթե անենք այս ամենը, կկարողանանք հաղթել «Բարսելոնային»»,- Էմերիի խոսքերն է մեջբերում Soccerway-ը:
Իսպանացի մասնագետը խոսել է նաև Կատալոնացիների առաջատար Լոենել Մեսսիի մասին:
«Մեսսին հիանալի ֆուտբոլիստ է: Նա այնպիսի ֆուտբոլիստ է, որ երբ նա մեկ խաղում խփում է 3 գոլ, մենք չենք զարմանում: Կատալոնացիների առաջատարը Մեսսին է, բայց միևնուն է «Բարսելոնայի» բոլոր ֆուտբոլիստներն էլ հիանալի խաղ են ցուցադրում»,- եզրափակել է իր խոսքը Էմերին:
Հիշեցնենք, որ «Սպարտակ Մ.» - «Բարսելոնա» հանդիպումը կկայանա նոյեմբերի 20-ին ժամը 21:00-ին «Լուժնիկ» մարզադաշտում:
Աղբյուրը` Soccerway
|
