Կատալոնական «Բարսելոնայի» երիտասարդ պաշտպան Խորդի Ալբան Uefa-ին տված հարցազրույցի ժամանակ հայտարարել է, որ մանուկ հասակում նա երկրպագել է թիմի նախկին հարձակվող Խրիստո Ստոյչկովին:
«Ինձ շատ էր դուր գալիս Ստոյիչկովի խաղը: Բացի այդ, ես նույնիսկ հանդես եմ եկել նրա դիրքում: Շատ հետաքրքիր էր նրա խաղին հետևելը: Նա մեծ անհատականություն էր և այդ փաստը հաստատել են նրա խաղընկերները: Իհարկե, այդ ժամանակներից ի վեր կատալոնական թիմում շատ այլ լավ ֆուտբոլիստներ են հանդես եկել, բայց ինձ միշտ դուր է եկել Խրիստոյի բնավորությունը:
16 տարեկան էի, երբ հեռացա «Բարսելոնայից»: Ես երբեք չեմ կասկածել իմ ուժերի վրա և ժամանակից շուտ չեմ հիասթափվել: Շարունակում էի վայելել ֆուտբոլը և չէի ընկճվում, որովհետև ստանում էի խաղային պրակտիկա, թեկուզ և ոչ «Բարսելոնայում»: Այժմ, բնականաբար, ես ավելին եմ ցանկանում, օրինակ, այնպիսի հաղթանակներ, ինչպիսիք եղան Եվրո 2012-ում»,-եզրափակել է Ալբան:
Աղբյուրը` Mundo Deportivo
Մեր նորություններին հետևեք նաև Facebook-ում` https://www.facebook.com/ArmBarcacom
|
