Կատալոնական «Բարսելոնայի» և Իսպանիայի հավաքականի հարձակվող Դավիդ Վիլյան Աշխարհի առաջնության ընտրական փուլի Ֆրանսիայի հետ հանդիպումից առաջ համոզված է, որ Իսպանիայի հաղթարշավը չի ընդհատվի:
«Այս խաղում միմյանց կհանդիպեն խմբի ամենաուժեղ հավաքականները: Ֆրանսիայի հավաքականի ֆուտբոլիստներն անմնացորդ նվիրումով են խաղալու: Հրաշալի է, որ 2 հաղթանակով ենք մեկնարկել և ես հուսով եմ, որ մեզ կհաջողվի շարունակել հաղթական շարքը:
Հաջողությունն ինձ ժպտաց: Իմ պես վնասվածք ստացած ֆուտբոլիստներն ավարտում են կարիերան, բայց ինձ հաջողվեց վերականգնվել:
Ես պատրաստ եմ խաղադաշտ դուրս գալ, բայց վերջնական որոշումը պետք է կայացնեն մարզիչներս»,- հայտարարել է Դավիդ Վիլյան: