Իսպանիայի հավաքականի գլխավոր մարզիչ Վիսենտե դել Բոսկեն հայտարարել է, որ թիմի կիսապաշտպան Անդրես Ինիեստան բաց կթողնի ազգային հավաքականի առաջիկա հանդիպումը: Դել Բոսկեն կարծում է, որ Ինիեստան պետք է օպտիմալ մարզավիճակում լինի մինչ Ֆրանսիայի դեմ հանդիպումը:
«Ֆրանսիացիների հետ հաջորդ հանդիպումը, որը կկայանա մի քանի օրից, մեզ համար ավելի կարևոր է, այնպես որ մենք որոշեցինք խնայել վնասվածքից նոր վերականգնված Ինիեստային։
Իհարկե, Անդրեսը կարող է հանդես գալ երկու հանդիպումներում էլ, սակայն մենք չցանկացանք ռիսկի դիմել: Մենք ունենք ֆուտբոլիստներ, ովքեր կարող են համարժեք փոխարինող դառնալ Ինիեստային», ասել է Դել Բոսկեն։
