Կատալոնական «Բարսելոնայի» գլխավոր մարզիչ Տիտո Վիլանովան կիսվել է Իսպանիայի առաջնության 7-րդ տուրում կայացած Մադրիդի «Ռեալի» հետ խաղից իր տպավորություններով:
«Գոհ եմ ֆուտբոլիստներիցս: Մենք առավելություն ունեինք ողջ հանդիպման ընթացքում և պարտավոր էինք հաղթեինք: Առաջ երբեք չէի խոսել Ժոզե Մոուրինյոյի հետ, բայց այսօր մենք շփվեցինք: Նրան ասացի, որ սա մեծ խաղ էր:
Լեո Մեսսին և Կրիշտիանու Ռոնալդուն ֆանտաստիկ խաղացողներ են, ովքեր միաժամանակ են հանդես գալիս: Ուրախ եմ, որ մարզում եմ նրանցից մեկին:
Ինչ վերաբերում է Պեպեին, ով հայտարարել էր, թե իմ խաղացողները սիմուլյացիայի են դիմում, մենք կարող ենք հատուկ տեսանյութ պատրաստել նրա համար մեր ֆուտբոլիստների ոտքերի կապտուկներով և արյունազեղումներով»,-Վիլանովայի խոսքերն է մեջբերում Marca-ն:
