Խաբի Ալոնսո. «Գիտենք, թե ինչպես է պետք խաղալ «Բարսելոնայի» դեմ»
Մադրիդի «Ռեալի» իսպանացի կիսապաշտպան Խաբի Ալոնսոն 7-րդ տուրի «Էլ Կլասսիկոյից» առաջ խոսել է իր և արքայական ակումբի գլխավոր մարզիչ Ժոզե Մոուրինյոի հարաբերությունների մասին, ինչպես նաև հայտնել, որ իր թիմը լիովին պատրաստ է «Էլ Կլասսիկոյին»:
«Ես ու մարզիչս հիանալի հարաբերությունների մեջ ենք: Ինձ դուր է գալիս նրա մոտեցումը ֆուտբոլին: Նրա հետ շատ հաճելի է աշխատելը:
Մենք հասկանում ենք, որ շատ վատ ենք մեկնարկել Իսպանիայի առաջնությունում և պատրաստ ենք անել ամեն ինչ, որ ետ բերենք կորցրածը: Մենք պետք է ամեն ինչ անենք, ուպեսզի հաղթենք բոլոր հանդիպումներում:
«Բարսելոնայի» հետ հանդիպումների միշտ կարևոր են եղել, նրանցից միավորներ կորզելը շատ կարևոր է մեզ համար: Մենք գիտենք, թե ինչպես է պետք խաղալ «Բարսելոնայի» դեմ: Այս մրցաշրջանում մենք արդեն հանդիպել ենք միմյանց Սուպերգավաթի շրջանակներում: Երբեմն ամեն ինչ լավ է ստացվում, երբեմն ոչ, բայց թիմի ընդհանուր գաղափարը նույնն է»,- ասել է Ալոնսոն:
