Կատալոնական «Բարսելոնայի» և Իսպանիայի ազգային հավաքականի հարձակվող Դավիդ Վիլյան խոսել է երկար բացակայությունից ազգային հավաքական վերադառնալուց հետո իր տպավորությունների մասին:
«Անչափ երջանիկ եմ ազգային հավաքական վերադառնալու համար: Իմ գոլը կարագացնի վերադարձս: Դաշտում անցկացրածս ամեն րոպեն և ամեն մարզումը ավելի է ուժեղացնում ինձ: Շատ էի կարոտել թիմակիցներիս: Ես կրկին երջանիկ եմ: Հավաքականն իմ երկրորդ ընտանիքն է:
Իհարկե, դեռ պատրաստ չեմ մեկնարկային կազմ դուրս գալ, բայց օրեցօր ես ավելի լավ եմ զգում ինձ: Խաղում եմ այնքան, ինչքան հարկավոր է առողջությանս համար այս պահին», – նշել է Վիլյան:
