Կատալոնական «Բարսելոնայի» և Իսպանիայի ազգային հավաքականի կիսապաշտպան Ֆրանչեսկ Ֆաբրեգասը վստահ է, որ թիմի ֆուտբոլիստների տարիքը թույլ կտա հավաքականին երկար տարիներ լինել լավագույնը:
«Մենք ցանկանում ենք հաղթել Բրազիլիայում կայանալիք աշխարհի 2014թ. առաջնությունում: Եվրոպայի 2008թ. և աշխարհի 2010թ. առաջնություններում հաջողության հասնելուց հետո բոլորը կարծում էին, որ մենք չենք շարունակի հաղթարշավը, սակայն մեզ դա կրկին հաջողվեց:
Մենք հեթ-տրիկ ենք արել, որը ֆուտբոլային պատմության մեջ ոչ մի թիմի չէր հաջողվել: Հավաքականի միջին տարիքը 24-26 է, իսկ դա նշանակում է, որ մենք կարող ենք հաղթել նաև ԱԱ 2014.-ում: Հիանալի է, որ այս տարիքում կարողացել ենք հասնել նման բարձունքի»,- նշել է Ֆաբրեգասը:
