Այսօր կայացան ազգային հավաքականների մասնակցությամբ մի շարք ընկերական հանդիպումներ:
Շվեյցարացիները Բազելում 5:3 հաշվով առավելության հասան Եվրո-2012-ի
հաղթողի գլխավոր հավակնորդներից մեկի՝ Գերմանիայի հավաքականի նկատմամբ:
Դաշտի տերերի կազմում հեթ-տրիկի հեղինակ դարձավ Լեւերկուզենի «Բայերի»
հարձակվող Էրեն Դերդիյոկը, մեկական գնդակ խփեցին Թուրինի «Յուվենտուսի»
պաշտպան Ստեֆան Լիխշտայները եւ Կիեւի «Դինամոյի» հարձակվող Ադմիր Մեհմեդին:
Գերմանացիներից աչքի ընկան Մատս Հումելսը, Անդրե Շյուրլեն եւ Մարկո Ռոյսը:
Պորտուգալացիները խաղաղ հաշվով եզրափակեցին Մակեդոնիայի դեմ հանդիպումը, իսկ Իռլանդացիները նվազագույն հաշվով հաղթեցին Բոսնիացիներին:
Աշխարհի եւ Եվրոպայի գործող չեմպիոն Իսպանիայի հավաքականը Շվեյցարիայում
2:0 հաշվով պարտության մատնեց Սերբիայի թիմին: Իսպանացիներին հաղթանակ
պարգեւեցին Մադրիդի «Ատլետիկոյի» հարձակվող Ադրիանի և «Վիլյառեալի»
կիսապաշտպան Սանտի Կասորլայի դիպուկ հարվածները: Նշենք նաև, որ Իսպանիայի հավաքականի հարձակվող Ադրիանը սիմուլյացիայի շնորհիվ վաստակեց 11 մետրանոցը:
Լեհաստանի հավաքականը նվազագույն հաշվով հաղթեց Սլովակիայի թիմին, իսկ Պորտուգալիա – Մակեդոնիա խաղում հաշիվը չբացվեց: Դանիա - Բրազիլիա 1:3 Իրլանդիա - Բոսնիա և Հերց. 1:0 Լեհաստան - Սլովակիա 1:0 Շվեյցարիա - Գերմանիա 5:3 Պորտուգալիա - Մեկեդոնիա 0:0 Իսպանիա - Սերբիա 2:0
| 
