Լրիվ անունը` Անդրես Ինիեստա Լուխան Ծննդյան ամսաթիվը` 1984թ մայիս 11 Ծննդյան վայրը` Ալբասետե Հասակը` 1.70 մ Քաշը` 65 կգ:
Այսօր Բարսելոնաի կիսապաշտպան Անդրես Ինիեստայի ծննդյան օրն է:
Անդրես Ինիեստա Լուխանը ծնվել է 1984 թվականի մայիսի 11-ին Իսպանական
Ալբասետե քաղաքում: Նա Բարսելոնայի կենտրոնական կիսապաշտպաններից է, կրում է
8 համարի մարզաշապիկը:
Ինիեստային Բարսելոնայի մասնագետները
հայտնաբերել են Ալբասետեի համանուն թիմի կազմում, 1996 թ սեպտեմբերին
Անդրեսը տեղափոխվել է Բարսելոնա: Ինիեստան Բարսայի հիմնական կազմում իր
դեբյոտը նշել է 2002 թվականի հոկտեմբերի 29-ին Չեմպիոնների Լիգայի խաղում,
որտեղ նրա թիմը խաղում էր Բրյուգգեի դեմ: 2003-2004-ի մրցաշրջանում
Ինիեստան արդեն անցկացրեց տասնմեկ հանդիպում և խփեց մեկ գոլ:
Այդ ժամանակ
նա հիմնականում փոխարինում էր Բարսելոնայի գլխավոր աստղին` Ռոնալդինյոյին:
Իսկ հաջորդ` 2004-2005 մրցաշրջանում, Անդրես Ինիեստան ամրապնդեց իր տեղը
թիմի հիմնական կազմում` խաղալով Իսպանիայի առաջնությունում 37 խաղ:
Ինիեստան այդ տարիներին իրեն դրսևորեց որպես բարձրակարգ և տաղանդավոր
ֆուտբոլիստ, և նրա հայտնվելը նաև Իսպանիայի ազգային հավաքականի կազմում ոչ
ոքի համար անակնկալ չեղավ: 2006-ին նա Իսպանիայի ընտրանու կազմում
մասնակցեց աշխարհի առաջնությանը, իսկ 2008-ին դարձավ Եվրոպայի
չեմպիոն:Ինիեստան Բարսելոնայի առանցքային ֆուտբոլիստներից մեկն է:
Նրա
կարիերայի ամենակարևոր գոլը դարձավ 2008-2009 մրցաշրջանի Չեմպիոնների
Լիգայի կիսաեզրափակիչ պատասխան խաղում հանդիպման 90+3-րդ րոպեին Չելսիի
դարպասը խփած գնդակը: Այդ գոլի շնորհիվ Բարսելոնան եզրափակիչի ուղեգիր
նվաճեց և հետագայում էլ նվաճեց Չեմպիոնների Լիգայի գավաթը` հաղթելով
Մանչեստեր Յունայթեդին: Յունայթեդի դեմ եզրափակիչից առաջ Ինիեստայի
մասնակցությունը խաղին կասկածի տակ էր: Սակայն Անդրեսը արագացված
վերականգնողական կուրս անցավ և կարողացավ մասնակցել այդ կարևորագույն խաղին
ու օգնեց Բարսելոնային նվաճել Եվրոպայի լավագույն ակումբի կոչումը: Ինիեստան իսկական պրոֆեսիոնալ խաղացող է, ով, լինելով այդքան տաղանդավոր, շատ համեստ է:
ՏԻՏՂՈՍՆԵՐ
ՖԱ Բարսելոնա Աշխարհի ակումբային գավաթ 2011/12 Եվրոպայի սուպերգավաթ 2011/12 Իսպանիայի սուպերգավաթ 2011/12 Չեմպիոնների լիգա 2010/11 Լա Լիգա 2010/11 Իսպանիայի սուպերգավաթ 2010/11 Լա Լիգա 2009/10 Աշխարհի ակումբային գավաթ 2009/10 Եվրոպայի սուպերգավաթ 2009/10 Իսպանիայի սուպերգավաթ 2009/10 Չեմպիոնների լիգա 2008/09 Լա Լիգա 2008/09 Կոպա դել Ռեյ 2008/09 Իսպանիայի սուպերգավաթ 2006/07 Չեմպիոնների լիգա 2005/06 Լա Լիգա 2005/06 Իսպանիայի սուպերգավաթ 2005/06 Լա Լիգա 2004/05 Իսպանիայի ազգային հավաքական Աշխարհի գավաթ 2010 Եվրոպայի առաջնություն 2008
