Ֆրենկ Լեմպարդն ու Սեսկ Ֆաբրեգասը հաստատ կոնֆլիկտային  անցյալ են  ունեցել: «Չելսիի» կիսապաշտպանի կոպիտ խաղը՝ ուղիղ Սեսկի ոտքերին «Կոմպ Նաու» մարզադաշտում, հաստատեցին նրանց միջեւ կոնֆլիկտի կասկածները:

Թվում էր, թե Լեմպարդը  լուծեց իր մեջ կուտակված հինգ տարվա չարությունը: Գուցե դուք ծիծաղեք այդ «հնգամյա պատերազմի» վրա, բայց դա, իրոք, այդպես է:

Եկեք հետադարձ հայացք նետենք եւ գնանք դեպի 2007թ. Անգլիայի գավաթի եզրափակիչ խաղարկություն. «Չելսին» խաղում էր Սեսկի նախկին ակումբի՝ «Արսենալի հետ»: Եկեք թարմացնենք մեր հիշողությունը եւ հիշենք այդ հանդիպման  93-րդ րոպեն:

Ժոզե Մոուրինյոյի սաները, երբ  առաջ անցան 2:1 հաշվով, Կոլո Տուրեն  բառացիորեն հարձակվեց  Օբի Միկելի վրա: Տաքարյուն աֆրիկացիները անմիջապես  անցան բռունցներով պաշտպանությանը: Իսկ այս պայքարում գլխավոր դերում էին Լեմպարդն ու Ֆաբրեգասը:

Ֆրենկը սկսեց հրել Տուրեին, այդ պահին Սեսկը թիմակցի «թիկունքին» կանգնելու համար Անգլիայի հավաքականի կիսապաշտպանի վզից բռնեց ու քաշեց: Այդ հանդիպման մրցավարը՝ Հովարդ Վեբը, մարզադաշտից հեռացրեց Տուրեին, Միկելին եւ Ադեբայորին, իսկ «Չելսին» հանգիստ շարունակեց խաղն ու հաղթանակ տարավ:

Այս էպիզոդիկ դրվագը  դարձավ երկու ֆուտբոլիստների միջեւ «պատերազմի» սկզբնաղբյուրը: Այդ դեպքից ի վեր երկու «թշնամիները» միմյանց դեմ մարզադաշտ են դուրս եկել  18 անգամ:

Ֆաբրեգասի նախկին թիմակից Ջեկ Ուիլշիրը «Չելսի»-«Բարսելոնա» խաղի առաջին կիսաեզրափակչի նախաշեմին իր թվիթերում գրել էր. «Կարծում եմ, որ Սեսկն ավելի շահագրգռված է հաղթելու այսօր երեկոյան: Նա ու Լեմպարդը միշտ էլ պայքարել են մարզադաշտում»:

Փոխադարձ թշնամանքի առաջին նշաններն ի հայտ եկան պատասխան հանդիպմանը: Երբ Սեսկը պարկած էր խոտածածկին եւ մրցավարից իր թիմի համար տուգանային էր պահանջում, այդ պահին միտումնավոր բռնեց իր կողքին կանգնած Լեմպարդի ոտքից:  Այդ օրը  Ուիլշիրի թվիթում կարդում ենք. «Ասում էի չէ՞, որ  Սեսկն ու Լեմպարդը երբեք էլ լավագույն ընկերներ չեն եղել»:

Այս դրվագից  բառացիորեն անմիջապես հետո Ֆրենկը դեղին քարտ ստացավ՝ Սեսկի հետ կոպիտ խաղի համար:

Այնպես որ մենք պետք է պարզապես համաձայնենք, որ Լեմպարդը շահեց այդ «պատերազմը», որովհետեւ Սեսկը չկարողացավ պատերազմը շարունակել «Չելսիի» հետ այդ երկու խաղերում էլ: Բայց պատերազմում հաղթեց հենց Ֆրենկը՝ դուրս թողնելով թե «Բարսելոնային» եւ թե Ֆաբրեգասին Չեմպիոնների լիգայից: