Ինչպես հաղորդում է AS-ը, Կատալոնական «Բարսելոնայի» գլխավոր մարզիչ Խոսեպ Գվարդիոլան Իսպանիայի
առաջնության 34-րդ տուրի «Ռեալի» հետ հանդիպումից հետո շնորհավորել է
Արքայական ակումբին հաղթանակի կապակցությամբ:
«Շնորհավորում եմ «Ռեալին» հաղթանակի եւ չեմպիոնության կապակցությամբ:
Մենք ցանկանում էինք մրցակցի դարպասը գրավել առաջին խաղակեսում, սակայն գոլ
բաց թողեցինք: Ընդմիջումից հետո փոխեցի տակտիկան:
Կարծում եմ՝ մենք այսօր
լավ ֆուտբոլ խաղացինք եւ մի շարք վտանգավոր պահեր ստեղծեցինք: Գրոհների
ժամանակ լավ էինք գործում, սակայն Տելյոն ու Ալվեշը երբեմն թերանում էին:
Մեծ հաշվով մրցակիցն ավելի լավ խաղաց, չնայած վերջին 5-7 րոպեներին մենք
անում էինք այն ամենը, ինչ ցանկանում էինք: Հիմա պետք է
կենտրոնանալ «Չելսիի» հետ հանդիպման վրա»,-եզրափակել է Գվարդիոլան:
| 
