Ինչպես հաղորդում է Կատալոնական «Բարսելոնայի» պաշտոնական կայքը, թիմի ավագ Կարլես Պույոլը մեկնաբանել է Չեմպիոնների լիգայի 1/4 եզրափակչում կայանալիք «Բարսելոնա»-«Միլան» պատասխան հանդիպումը:
Կարլեսը նշել է, որ թիմը աշխատելու է ավելի շատ ճնշում գործադրել և անընդհատ գրոհներ կազմակերպել:
«Մենք ամբողջովին պատրաստ ենք հանդիպմանը: Թիմը ցանկանում է պայքարել և գիտի, թե ոնց պետք է հակահարված տալ: Մեր նպատակը միշտ հաղթելն է և հաջորդ խաղում մենք ամեն ինչ կանենք, որպեսզի շարունակենք մեր պայքարը «Չեմպիոնների լիգայում»: Չենք թերագնահատում մրցակցին, դա այժմ ամենավատ բանը կլիներ մեր կողմից:
Խաղը շատ կարևոր է մեզ համար: Խաղադաշտ ենք դուրս գալու միմիայն հաղթանակի համար: Երկրպագուների աջակցությամբ մենք ավելի ուժեղ կլինենք: Կօգտագործենք մեր պահերը և կհասնենք լավագույն արդյունքին»,-եզրափակել է Կարլես Պույոլը:
