Իտալական «Միլանի» հարձակվող Զլատան Իբրահիմովիչը հայտարարել է, որ իր թիմը չի վախենում Կատալոնական «Բարսելոնայի» հետ մրցելուց:
«Եթե մենք ցուցադրենք մեր խաղը, ապա հնարավորությունները կհավասարվեն: «Բարսելոնան» աշխարհի լավագույն ֆուտբոլային ակումբն է, սակայն մենք էլ ունենք մեր անունը և միշտ բարձր ենք պահելու: Այս մրցաշրջանում հանդիպել ենք «Բարսելոնայի» հետ և գիտենք, թե ինչպիսի խաղ պետք է ցուցադրենք նրանց դեմ: Անչափ գեղեցիկ հանդիպումներ են սպասվում Չեմպիոնների լիգայի այս փուլում»,-եզրափակել է Զլատանը:
