Կատալոնական «Բարսելոնայի» կիսապաշտպան Անդրես Ինիեստան AS-ի հետ հարցազրույց տալիս խոսել է Պեպ Գվարդիոլայի և թիմի խաղի մասին:
- Ամենազզվելի հարցը. Անդրես, արդյո՞ք Պեպը կթարմացնի իր պայմանագիրը: - Չեմ կարծում, որ թիմը ուրիշ մարզչի կարիք ունի: Պեպը գիտի, թե ինչ է անում: Ես կարծում եմ, որ նա կկարողանա իր մեջ ուժ գտնել: Գվարդիոլան կթարմացնի իր պայմանագիրը:
- Համաձա՞յն եք Դանի Ալվեշի այն մտքի հետ, երբ նա ասաց, որ եթե Գվարդիոլան հեռանա ակումբից, ապա հին «Բարսայից» ոչինչ չի մնա: - Հուսով եմ, որ ոչ: Գվարդիոլան թիմի հաղթանակների «արմատն» է:
- Այդ դեպքում ինչո՞ւ չի թարմացնում իր պայմանագիրը: - Նա այժմ մտածում է: Ոչինչ մեկ վարյկյանում չի լինում:
- Չավին, Դանի Ալվեսը և Պեպը կարծում են, որ 10 միավոր ետ մնալ «Ռեալից» ճիշտ չէ: - Մենք լավ ենք արել մեր գործը, սակայն Մադրիդցիները կարողացել են առաջ անցնել: Իմ կարծիքով արդարացի չէ, բայց մենք ամեն ինչ կանենք կրճատել այդ թիվը:
- 10 միավոր ետ մնալու մեջ մրցավարներին մեղադրո՞ւմ եք: - Ոչ: Մեկ-երկու սխալի համար չեմ ցանկանում մեղադրանքներ ներկայացնել:
- Այդ դեպքում ի՞նչն է պատճառը: - Պատճառը մեր թուլացումն էր: Բոլորն էլ ունենում են այդպիսի պահեր: Աշխատում ենք վերադրաձնել մեր հին մարզավիճակը:
