Sport.es «Էշլի Քոուլը կարող է տեղափոխվել «Բարսելոնա»»
Ինչպես հաղորդում է իսպանական կայքը, Անգլիական «Չելսիի» ֆուտբոլիստ Էշլի Քոուլը այս ամռանը հեռանալու է թիմից: Բրիտանական ԶԼՄ-ների հավաստմամբ, «Արիստոկրատների» սեփականատեր Ռոման Աբրամովիչը թույլատրելու է ֆուտբոլիստին հեռանալ ակումբից, որովհետև վերջինս անընդհատ կոնֆլիկտների մեջ է ընկնում թիմի ղեկավարության հետ:
Վիլյաշ-Բոաշի և Էշլի Քոուլի հարաբերությունը այնքան էլ իդեալական չեն: Վերջին անգամ 31 ամյա պաշտպանը «Չելսիի» մարզչի հետ կոնֆլիկտի մեջ է ընկել «Նապոլիից» պարտություն կրելուց հետո:
Քոուլի պայմանագիրը ավարտվում է 2013 թվականի ամռանը, սակայն իսպանական մամուլի համաձայն, այս տարի «Բարսելոնան» կհամալրվի նրանով:
Marca-ն նշում է, որ ֆուտբոլիստի համար պայքարի մեջ կմտնեն Մադրիդյան «Ռեալը» և Իտալական «Միլանը»:
