Գլխավոր էջ » 2012 » Փետրվար » 24 » Խոսե Լուիս Չիլավերտը հակահարված է տալիս Դիեգո Մարադոննային
15:35
Խոսե Լուիս Չիլավերտը հակահարված է տալիս Դիեգո Մարադոննային
Ինչպես հաղորդում է Sport.es-ը, Պարագվայի հավաքականի նախկին դարպասապահ-«հարձակվող» Խոսե Լուիս Չիլավերտը խոսել է «Բարսելոնայի» մասին:
«Ասացեք Վիկտոր Վալդեսին, որ նա ուշադրություն չդարձնի Դիեգո Մարադոննայի խոսքերին: Ծերուկը չի հասկանում ֆուտբոլից: Վալդեսը լավագույն դարպասապահներից մեկն է: Նա շատ լավ է ընտրում դիրքերը: Ցատկերի մասին խոսք անգամ չի կարող լինել: Նա ուղղակի հրաշալի դարպասապահ է: Սիրում եմ կայացած դարպասապահներին: Ես զգացել եմ, որ Դիեգոն հիմար բաներ շատ է ասում: Նա նույնիսկ վիրավորել է Հռոմի պապին: Նրան փչացրեցին թմրամոլությունն ու ալկոհոլիզմը:
Ցանկանում եմ, որ «Բարսելոնայի» մարզչի պաշտոնում մնա Պեպ Գվարդիոլան: Միայն նա գիտի թիմի ֆուտբոլիստների լավ և վատ կողմերը: Ոչ մի հանդիպում բաց չեմ թողնում և զգում եմ, որ «Բարսելոնան» վերջին 5-6 տարիների ընթացքում մեծ առաջընթաց է ապրել: Իմ կարծիքով «Բարսելոնային» ապագայում կոգնի Մարսելո Բիելսան: Միայն նա կկարողանա փոխարինել Պեպին:
Ո՞վ է աշխարհի լավագույն ֆուտբոլիստը: Իհարկե Մեսսին: Նա ավելին է, քան Մարադոննան: Դիեգոն չի հաղթել, իսկ Մեսսին Դիեգոյի տարիքում արդեն կլինի ֆուտբոլի լեգենդ»,-պատասխանել է Չիլավերտը Com Ràdio-ին տված հարցազրույցում:
