Իբրահիմովիչ. «Ապագայում կարող եմ աշխատել Պեպի հետ»
Ինչպես հաղորդում է Goal.com-ը, Իտալական «Միլանի» շվեդ հարձակվող Զլատան Իբրահիմովիչը հայտարարել է, որ չի բացառում ապագայում աշխատել Կատալոնական «Բարսելոնայի» մարզիչ Խոսեպ Գվարդիոլայի հետ: «Այժմ ես չեմ կարող աշխատել Գվարդիոլայի հետ, որովհետև դեռ «Բարսելոնայում» հանդես գալու ժամանակ չեմ ստացել իմ հարցերի արժանի պատասխանները: Սակայն դա չի նշանակում, որ ես նրա մասին վատ կարծիքի եմ: Որակային առումով Պեպը հիանալի մարզիչ է: Երբ քվեարկություն էր գնում, ես նրա օգտին եմ ձայնս տվել: Եթե նա վատը լիներ, ապա չէր վաստակի այսքան գավաթներ «Բարսելոնայի» հետ: Մարդկային բնավորություն և մարզիչ բառերը տարբեր հասկացողություն ունեն: Պրոբլեմը նրա մեջ էր, որ ես և Գվարդոլան չհասկացանք իրար: Բոլորի հետ էլ կարող էր պատահել և ես բացառություն չէի: Պահը եղել և անցել է: Ապագայում ես և Գվարդիոլան դեռ կհասցնենք աշխատել իրար հետ»,-եզրափակել է շվեդ հարձակվողը:
