Ռոնալդ Կուման. «Սանչեսը արագ ադապտացվեց «Բարսայի» խաղին»
Հոլանդական «Ֆեյենորդի» գլխավոր մարզիչ Ռոնալդ Կումանը գովեստի խոսքեր է հղել Կատալոնական «Բարսելոնայի» Չիլիացի հարձակվող Ալեքսիս Սանչեսի մասին: «Դիտելով «Բայեր Լևերկուզեն» - «Բարսելոնա» հանդիպումը, ես հասկացա, որ Ալեքսիսը հիանալի կերպով է կարողացել ադապտացվել թիմին: Ոչ բոլոր ֆուտբոլիստները կկարողանային հարմարվել թիմի խաղին: «Բարսայի» խաղացողներից հենց Սանչեսը ինչ-որ գեղեցիկ խաղի ոճ ունի: Անձամբ ես շատ եմ հավանում նրա խաղը: Արագությունը բարձր չափանիշ է ֆուտբոլիստի համար, այն էլ, որ խաղում է «Բարսելոնայում»: Անկեղծանամ, չեմ դիտել նրա խաղերը իտալիայում, սակայն համոզված եմ, որ «Բարսելոնայում» այս մեկ տարվա ընթացքում նա մեծ առաջընթաց է ունեցել»,-եզրափակել է Կումանը:
