Ինչպես հայտնում են իսպանական ԶԼՄ-ները, Կատալոնական «Բարսելոնայի» սպորտային տնօրեն Անտոնի Սուբիսարրետտան հայտարարել է, որ նա չի ուղևորվել Լոնդոն և բանակցություններ չի վարել «Տոտենհեմի» ղեկավարության հետ: Անգլիական սպորտային կայքերում նշվում էր, որ Անտոնին վերջերս գտնվել է Լոնդոնում և գաղտնի բանակցություններ է վարել Գարեթ Բեյլի տրանսֆերի շուրջ: «Կեղծ լուրեր են տարածվել: Ես չեմ ուղևորվել Լոնդոն, առավել ևս ոչ մի բանակցությունների էլ չեմ մասնակցել: Բեյլը լավ ֆուտբոլիստ է, սակայն այդ մասին խոսելը վաղ է»,-եզրափակել է «Բարսայի» սպորտային տնօրենը:
