Ինչպես հաղորդում է Կատալոնական «Բարսելոնայի» պաշտոնական կայքը, երեկ կայացած խաղի ժամանակ, երբ Ինիեստային վայր գցեցին հակառակորդի տուգանային հրապարակում, մրցավարը զարմանալիորեն դեղին քարտ ցույց տվեց ոչ թե «Բետիսի» ֆուտբոլիստին, այլ տուժողին: Խաղից հետո Անդրես Ինիեստան մեկնաբանել է այդ դրվագը:
«Ես չեմ դիմել սիմուլյացիայի: Դերասանություն այդտեղ անելը պարզապես մանկական սխալ կլիներ, որովհետև կենտրոնում գտնվում էր մեր ֆուտբոլիստը: Կանոնները խախտեցին, սակայն դեղին քարտ ստացա ես: Վստահ եմ, որ այս հարցը կքննարկվի և դեղին քարտը չեզոք կհամարվի: Ուրախ եմ, որ այդ դրվագը չխանգարեց մեզ հաղթանակ տոնել մրցակցի նկատմամբ»,-եզրափակել է Անդրես Ինիեստան:
