Ինչպես հաղորդում է Goal.com-ը, Կատալոնական «Բարսելոնայի» նախկին կիսապաշտպան Դեկուն համեմատել է իր ժամանակվա և այսօրվա «Բարսելոնաները»:
Բրազիլական «Ֆլումինենսեի» 34-ամյա ֆուտբոլիստը կարծում է, որ Ռայկարդի օրոք «Բարսայի» ֆուտբոլիստները ավելի ուժեղ էին անհատապես, քան Գվարդիոլայի օրոք: Գվարդիոլայի թիմի ուժեղագույն կողմը կոլեկտիվն է:
«Այսօրվա Բարսելոնան հրաշքներ է գործում թիմային խաղով, և միմյանց հասկանալու գործոնով: Սակայն, եթե նայենք թիմի անհատական ֆուտբոլիստներին, ապա կտեսնենք, որ իմ ժամանակվա «Բարսան» շատ ավելի հզոր խաղացողներ ուներ: Մեսսին ու իր թիմակիցները ավելի լավ ֆուտբոլ են ցուցադրում, քան մենք: Նրանք շատ լավ են զգում միմյանց, կարողանում են ճիշտ որոշումներ կայացնել ցանկացած դրվագում, սակայն, մեր թիմում ավելի բարձրակարգ կատարողներ կային: Կարճ ասած՝ մեր թիմը ավելի աստղային էր», - եզրափակել է Դեկուն: |
