Պապեն. «Ազարը կարող է դառնալ Մեսսիի կարգի ֆուտբոլիստ»
La Derniere Heure-ին տված հարցազրույցում Ֆրանսիացի էքս-ֆուտբոլիստ Ժան-Պիեր Պապենը գովել է Բելգիացի ֆուտբոլիստ Էդեն Ազարին: Վերջինս կիսապաշտպան է և հանդես է գալիս ֆրանսիական «Լիլ» ակումբում: «Երբ գնդակը հասնում է Ազարին, նա կարողանում է անել այն ամենը, ինչը չի կարող անել ուրիշ ֆուտբոլիստ: Եթե նա շարունակի այսպիսի տեմպով աճել, ապա ես կարող եմ համոզված ասել, որ նա կդառնա այնպիսի ֆուտբոլիստ, ինչպիսին Մեսսին է և Ռոնալդինյոն»,- եզրափակել է Պապենը: Նշենք, որ Էդեն Ազարը «Լիլի» կազմում մասնակցել է 12 հանդիպման և խփել 5 գնդակ:
