Ինչպես հաղորդում է elmundodeportivo.es-ը, «Ռեալ Մադրիդի» ֆուտբոլիստ Քրիստիանո Ռոնալդոն չի բացառել այն փաստը, որ մի օր կհագնի կապտանռնագույն մարզաշապիկ: Պորտուգալական TVi հեռուստաալիքի համար տված հարցազրույցի ժամանակ Ռոնալդուն ասել է, որ չի մերժի ոչ մի ակումբի: «Երբեք չեմ ասի «երբեք» ոչ մի թիմի: Սակայն դա կլինի ոչ մոտ ապագայում: Կցանկանայի կարիերաս ավարտել «Ռեալ Մադրիդում», սակայն «Բարսելոնայի» հրավերից էլ չէի հրաժարվի»: Այս հայտարարությունը նման էր անցյալ տարբա նրա հայտարարությանը , երբ նա Punto Pelota հաղորդաշարի ընթացքում նշեց, որ կարող է տեղափոխվել «Բարսելոնա»: Այդ հայտարարությունը ուղղակի կատաղեցրեց մադրիդյան երկրպագուներին: Այս անգամ նա նորից նույնն է նշել և չի բացառել այդ տեղափոխությունը:
