Խոսքը Խերարդ Դեուլոֆեույի մասին է:Բարսելոնայի ակադեմիայի 17 տարեկան ֆուտբոլիստը առաջին անգամ է հայտավորվել Բարսելոնայի գլխավոր թիմի կազմում:Ժամանակն է մի քիչ պատմել Լա Մասիայի ամենախոստումնալից ֆուտբոլիստներից մեկի`Դեուլոֆեույի մասին:
Բարսելոնայի երիտասարդ կանտերանոն արդեն ոչ լրիվ 10 տարիներ է անցկացրել Լա Մասիայում:Արդեն փոքր տարիքից զարմացնում էր նրա գնդակի հետ փափուկ վարվելը և բարձր տեխնիկան,այս հատկությունները նրան թույլ են տալիս հեշտությամբ օգտվել արագ դրիբլինգից`հեշտությամբ շրջանցելով մրցակիցներին:Զարմանալի չէ,որ ժամանակի ընթացքում նրան սկսեցին անվանել <<Նոր Ռոնալդինյո>>:
Սկզբում Դոուլոֆեուն խաղում էր պլեյմեյկերի դիրքում,հետագայում սկսեց գործել ձախ հարձակվողի դիրքում,հաճախ տեղաշարջվելով կենտրոնական հարձակվողի դիրք:
14 տարեկան Դեուլոֆեույին ցանկացել են գնել անգլիական գրանդներ Լիվերպուլը,Չելսին և իհարկե Արսենալը: Ժամանակին Լիվերպուլի մարզիչ Ռաֆայել Բենիտեսը այնքան էր ցանկանում գնել Դեուլոֆեույին,որ Իսպանիայում Լիվերպուլի սկաուտ Պակե դե Գարսիային պարտադրել էր ամեն-ինչ անել երիտասարդ ֆուտբոլիստին ձեռք բերելու համար,բայց այդ ժամանակ Խերարդի գործակալ Խինես Կարվախալը հայտարարելով Դեուլոֆեույի Բարսելոնայում մնալու ցանկության մասին վերջ դրեց բոլոր խոսակցություններին:Հետագայում ֆուտբոլիստը բավականին լուրջ առաջարկներ է մերժել,նախընտրելով մնալ Բարսելոնայում: Այս պահի դրությամբ,եթե որևէ թիմ ցանկանա ձեռք բերել Բարսելոնայի երիտասարդ տաղանդին,պետք է վճարի 20 միլիոն եվրո:
Դեուլոֆեուն անցել է Բարսելոնայի բոլոր տարիքային խմբերով և լավագույնն է համարվում Լա Մասիայում մինչև 18 տարեկանների մեջ:Այսօր Պեպ Գվարդիոլան երիտասարդ տաղանդին հայտավորել է կազմում Ռեալ Սոսյեդատի հետ խաղում:Անկասկած,Դեուլոֆեուն շանս կունենա,քանի որ Պեպ Գվարդիոլան միշտ երիտասարդ ֆուտբոլիստներին հնարավորություն է տալիս ցուցադրել իրենց ընդունակությունները:
Այս վիդեոն դիտելուց հետո դուք կհասկանաք,թե ինչու են Դեուլոֆեույին այդքան տաղանդավոր համարում,նույնիսկ անվանում <<Նոր Ռոնալդինյո>>.
