Իսպանական Բարսելոնայի պաշտպան Դանիել Ալվեշը մեկնաբանել է գերմանացի մրցավար Վոլֆգանգ Շտարկի որոշումը կապված Ռեալի պաշտպան Պեպեի հեռացման հետ, հաղորդում է terrikon-ը հղում կատարելով Marca-ին:
Հիշեցնենք, որ Շտարկը հանդիպման երկրորդ խաղակեսում հեռացրել էր պորտուգալացուն` կարծելով, որ վերջինս շատ կոպիտ է գործել բրազիլացու դեմ: Բայց Ռեալում կարծում են, որ Պեպեն ընդհանրապես չի դիպել Ալվեշին:
Իմ կարծիքով, Պեպեն խախտել էր կանոնները, և մրցավարը ճիշտ որոշում է կայացրել: Շտարկը հիմար չէ: Ամեն դեպքում ես չէի ցանկանա քննադատել մրցավարի գործողությունները: Կարող եմ միայն ասել, որ Ռեալի ֆուտբոլիստները շատ ագրեսիվ էին գործում: Օրինակ, առաջին խաղակեսում մրցավարը ներեց Արբելոային, ով շատ կոպիտ խաղ ցուցադրեց մեր ֆուտբոլիստներից մեկի դեմ, - հայտարարել է Ալվեշը:
armsport.am
