Մախաչկալայի Անժիում հանդես եկող հանրահայտ Ռոբերտո Կառլոսն իր կարծիքն է արտահայտել Մադրիդի Ռեալի և Բարսելոնայի ֆուտբոլիստներ Կրիշտիանու Ռոնալդուի և Լիոնել Մեսսիի վերաբերյալ: Բրազիլացին կասկածի տակ չի առնում Մեսսիի տաղանդը, սակայն գտնում է, որ Ռոնալդուն ավելի մեծ նշանակություն ունի իր թիմի համար:
«Ինձ դուր է գալիս Մեսսիի խաղաոճը, սակայն գտնում եմ, որ Ռոնալդուն ավելի որոշիչ դեր ունի իր թիմի արձանագրած արդյունքներում: Մեսսին իր թիմում շրջապատված է համապատասխան խաղացողներով, սակայն Ռեալն ավելի շատ է կախվածության մեջ Ռոնալդուից: Դրա համար գտնում եմ, որ Ռոնալդուն՝ Ռեալի համար, ավելի առանցքային ֆուտբոլիստ է, քան Մեսսին՝ Բարսայի»,- մեջբերում է Կառլոսի խոսքերը Marca-ն:
Gol-bet.com
