ՈւԵՖԱ-ի պաշտոնական կայքի տեղեկացմամբ` Չեմպիոնների լիգայի Բարսելոնա – Շախտյոր քառորդ եզրափակիչ հանդիպումը սպասարկելու է 38-ամյա շոտլանդացի մրցավար Քրեյգ Թոմփսոնը: Հիշեցնենք, որ այդ դիմակայությունը կայանալու է ապրիլի 6-ին Կամպ Նոուում:
Ավելի վաղ Թոմփսոնը արդեն երկու անգամ առընչվել է Ուկրաինայի հետ. 2009թ.-ին նա սպասարկել է Անդորայի հետ խաղը (6:0), իսկ 2005-ին` Ուկրաինայի և Սերբիայի մինչև 19 տարեկան հավաքականների մրցավեճը` 0:2:
Հիշեցնենք, որ հենց Քրեյգ Թոմփսոնն է սպասարկել Եվրո-2012-ի Հայաստան-Ռուսաստան (0։0) ընտրական հանդիպումը:
