Կատալոնական "Բարսելոնայի” կիսապաշտպան Անդրես Ինիեստան հայտարարել է, որ կցանկանար շարունակել հանդես գալ այդ թիմի կազմում մինչ իր կարիերայի ավարտը:
"Իհարկե, վերջին տարիներին ես անընդհատ լսում եմ, որ իմ ծառայություններով հետաքրքրվում է այս կամ այն ակումբը: Հասկանում եմ նաև, որ նույնիսկ եթե այժմ ասեմ, որ պատրաստվում եմ մինչ կարիերայիս ավարտը մնալ այս ակումբում, միևնույնն է, հաջորդ ամռանը նոր առաջարկ կստանամ: Սակայն իմ կարծիքն անփոփոխ է` միայն "Բարսա”, - ասել է Ինիեստան "Marca"-ին տված հարցազրույցի ժամանակ:
|
