Դոնեցկի Շախտյորի գլխավոր մարզիչ Միրչա Լուչեսկուն Չեմպիոնների լիգայի Բարսելոնայի հետ կայանալիք 1/4 եզրափակիչ հանդիպման նախօրեին պատմել է, թե որն է կատալոնական ակումբի ֆենոմենը:
Բարսելոնան մի շարք արժանիքներ ունի: Իսկապես, Բարսելոնայի կազմում այժմ հանդես են գալիս բազմաթիվ բարձրակարգ ֆուտբոլիստներ: Այդ թիմի հարձակվողներից յուրաքանչյուրը կարող է առավելության հասնել մեկն ընդդեմ մեկի դիմակայությունում:
Բացի դրանից, պետք չէ մոռանալ, որ նրանք հանդես են գալիս առաջնությունում, որտեղ յուրաքանչյուր հանդիպումը նման է Չեմպիոնների լիգայի խաղի: Անհնար է, որպեսզի այնտեղ առաջնության առաջատարի մասնակցությամբ հանդիպմանը 3-4 հազար ֆուտբոլասեր դիտի խաղը, ինչպես Ուկրաինայում:Երկրպագուները ճնշում են գործադրում ֆուտբոլիստների վրա, և դա նրանց թույլ չի տալիս թուլանալ կամ անտարբեր խաղալ: Այդ առումով կատալոնացիները, բնականաբար, գերազանցում են մեզ, - մարզչի խոսքերն է մեջբերում "Спорт-экспресс"-ը:
|
