Մասնակցելով շաբաթ օրը կայացած «Խետաֆեի» դեմ հանդիպմանը՝ Բոյան Կրկիչը դարձել է «Բարսելոնայի» ամենաերիտասարդ ֆուտբոլիստը, որը 100 խաղ է անցկացրել Պրիմերայում: Այս ցուցանիշին երիտասարդ ֆուտբոլիստը հասել է 20 տարեկան, վեց ամսական և 19 օրական հասակում: Նախորդ ռեկորդակիրն էր Լիոնել Մեսսին, որը առաջնությունում իր հարյուրերորդ խաղը «Բարսայի» կազմում անցակցրել էր 21 տարեկան, 250 օրական հասակում: Նշենք, որ Պրիմերայում ավելի վաղ հասակում 100 հանդիպում են անցկացրել միայն Ռաուլն ու Խոսեբա Էչեբերիան:
