Ներկայիս Բարսելոնան այնքան հզոր է, որ թիմի պահեստայիններն անգամ մտնում են Լա Լիգայի պատմության մեջ: Goal.com-ը
տեղեկացնում է, որ կատալոնյան գրանդի հարձակվող Բոյան Կրկիչը, ով
ընդհամենը 20 տարեկան է, մեկ քայլ է ետ մնում, որպեսզի տոնի նշանակալի
հոբելյան: Բարսելոնայում նրան ընդհամենը մեկ խաղի մասնակցություն է
հարկավոր, որպեսզի տոնի իր 100-րդ մասնակցությունը իսպանական
պրեմիերայում: Դա նշանակում է, որ սերբական արմատներով կատալոնացի
ֆուտբոլիստը կգրի իր անունը Պերեմիեր լիգայի պատմության մեջ, քանի որ նա
թվով երրորդ ֆուտբոլիստ է, որ այդ տարիքում կարողացել է մասնակցել 100
հանդիպումների: Այդպիսի այդյունք նախկինում կարողացել են արձանագրել միայն
Ռաուլը (Ռեալում) և Էչեբերիան (Ատլետիկում):
Հավելենք, որ Բոյան Կրկիչը, Լա Լիգայում անցկացրած 99 հանդիպումներում
կարողացել է 24 անգամ գրավել մրցակիցների դարպասը, սակայն պետք է հաշվի
առնել, որ ֆուտբոլիստը, հիմնականում, ամեն հանդիպմանը 90 րոպեից քիչ է
անցկացնում խաղադաշտում:
|