«Բարսելոնայի» հարձակվող Լիոնել Մեսսին Չեմպիոնների լիգայի քառորդ եզրափակչի վիճակահանությունից հետո անվանել է մրցաշարի հաղթողների թեկնածուների անունները:
«Կարծում եմ, որ Չեմպիոնների լիգայում այս տարվա ֆավրիտներն են «Բարսելոնան», «Ռեալը» և «Չելսին»: «Բարսայում» ամեն մեկն իր գործը գիտի, և մենք լրացնում ենք միմյանց: Մեզանից յուրաքանչյուրը մյուսների խաղը բարելավում է: Դա էլ հենց մեր թիմի մեծությունն է»,-Մեսսի խոսքերն է մեջբերում sportbox.ru-ն' ըստ ESPN-ի:
Հիշեցնենք, որ Չեմպիոնենրի լիգայի քառորդ եզրափակչում «Բարսելոնան» կխաղա Դոնեցկի «Շախտյորի» հետ: Առաջին խաղը կկայանա Իսպանիայում ապրիլի 6-ին, իսկ պատասխան հանդիպումը' ապրիլի 12-ին Ուկրաինայում:
